L'autrier quant chevauchoie
Tout droit d'Arras vers Douai,
Une pastore trouvoie
Ainz plus belle n'acointai.
Gentiment la saluai :
" - Bele, Dex vous doint hui joie,
- Sire, Dex le vos otroie -
Tout honore sans nul delai,
Cortois estes tant dirai."

Je descendis en l'herboie
Lez li séoir m'en alai :
" - Si, li di, ne vous ennoi
Bele, votre ami serai,
Ne jamais ne faudrai,
Robe auroie de drap de soie,
Fremax d'or, huves, corroies,
Cuevrechiés, trécors ai,
Sollers pains grans vous donrai."

" - Sire, ce respont la bloie,
De ce vos mercierai
Mas ne sai comment l'arroie.
Robin, mon ami que j'ai,
Car il m'aime, bien le sai
Pucèle sui, qu'en diroie ?
Ne soufrir ne le pourroie :
Mès tant vos otroierai
Jamès jor ne vos harrai ..."
[ ... ]
" Si m'aït Dieus, je ne sai,
Vostre volenté ferai !"
Je la pris, si l'assouploie
Le gieu li fis toute voie
Oncques guères n'y tardai
Mais pucèle la trovai.
[ ... ]